اخرج خارج المدينه لارى قطرات المطر الجميله تنزل على المزارع المحيطه بالمدينه فارى الزراعات تتنفس بحريه وتغتسل تحت المطر فكنت أغار منها وأخلع معطفى  لاشعر بالمطر يحتوينى من رأسى حتى قدمى واتمنى الشعور بالحريه التى حرمنا منها دون اى احساس بالبرد فحبى لبلادى يملئنى بالدفئ 

وكنت اعود للمدينه بعد ان يهدأ المطر وقد خلت من الماره الا قليل  وأشعر ان كل شارع من شوارعها ما هو الا وريد يجرى فيه المطر جريان الدم فى اوردتى وعندما أصل الى شاطىء النيل اشعر بأنى وصلت الى الشريان الرئيسى الذى يغذى قلبى ويمده بالحياه

أجد الحركه بدأت تعود رويدا رويدا الى شوارع مدينتى وبدأت قوارب الصيد تتحرك على صفحه الماء برشاقه لتحصل أرزاق الصيادين  

فأحاول العوده الى بيتى فلا أستطيع فقد سدت مياه المطر جميع الشوارع فأفيق من حلمى الجميل.

أعود الى هذه الذكريات الجميله واتذكر كم كنت اصدم عندما أجد شوارع المدينه وقد سدت بالماء والسيارات تسير فى الماء كأنها قوارب تشق الماء بقوه لتصل الى هدفها 

أتذكر عندما كنت اجلس على المقهى اشرب الشاى حتى اشعر بالدفئ فأجد العمال المساكين ينزلون الى الماء فى عز البرد ليفتحوا لنا الطريق بمعدات بسيطه وأتسائل كيف كانوا يتحملون رغم قله الامكانات 

أتذكر كيف كان صاحب المقهى يرسل للعمال الشاى بعد ان ينتهوا من فتح الطريق وارى العامل البسيط يشرب الشاى وهو ينظر الى الطريق وهو مرتاح لانه ادى واجبه فاتمنى ا يقوم كل مصرى بعمله بهذا الااخلاص 

أتذكر عندما سقط احد الماره فى ماء المطر كيف هرع اليه الجميع بطيبه أهل البلد يساعدوه على النهوض وأرى أحد الاطفال يخرج منديله الصغير ليمسح عنه الماء برقه

أتذكر احد الشباب يأخذ بيد عجوز ليساعده على عبور الطريق أتذكر وأتذكر وأتذكر

كم كانت ايام جميله وكيف انها كانت تمر عليا دون أن أشعر بها 

أشعر بها الان وانا بعيد كم كانت ايام جميله

أعود الى الواقع أعود الى غربتى 

حيث اسير فى المطر أحاول أن أعيش زكرياتى فأذهب الى احدى المقاهى المصريه لعلى أجد الدفئ الذى حرمت منه وسط أبناء بلدى 

عند دخولى وجدت ترحيب أهل البلد فى استقبالى ولكنى وجدت المقهى خاليه ليست كما تعودت عليها من الزحام ويعود السبب الى الاجرائات الجديده لتنظيم العماله هنا  جلست بعض الوقت أتأمل وجوه المصريين فى المقهى

وراء كل وجه منهم قصه وحدوته 

فهذا الشاب يعمل ليل نهار حتى يكمل تكاليف زواجه

وهذا يعمل ليل نهار حتى يكمل ثمن تهريبه الى ايطاليا والجميع هنا يعلم أنه حاول عده مرات وفشل وتعرض للموت عده مرات وخسر أرضه التى باعها ليسافر بثمنها ولكنه مازال يحاول

وهذا يعمل ليل نهار حتى يزوج اخته وهذا ليسدد دين عليه فى مصر وهذا ليبنى له بيتا فى مصر يؤيه هو واهله

لفت انتباهى رجل تجاوز الستين عاما حاولت أقنع نفسى أن أدعه فى حاله ولكن كبر سنه دفعنى للاقتراب منه

مساء الخير يا عمنا فرد علي المساء واجلسنى الى جواره 

اخبارك يا عمنا عامل ايه فرد عليا الحمد لله تمام 

 عرفت منه انه من مدينه المحله ويعمل هنا خباز فتعجبت ليه يا خال تبهدل نفسك فى السن ده دى شغله متعبه فرد عليا اللى رماك على المر؟؟؟؟؟؟؟؟؟؟؟؟

وحكى لى قصته انه عاش 17 سنه بين العراق والسعوديه والكويت وعاد الى مصر منذ سنوات وفتح مشروع صغير خسر فيه تحويشه العمر و بعد ان زوج بناته وبقى ولدان فى الجامعه  وبعد أن زادت عليه الديون جاء الى هنا لارتفاع الاجور رغم كبر سنه!!!!!!!!!!!!صحيح ايه اللى رماك على المر؟؟؟؟؟ 

اعرف الكثير من المصريين هنا ووراء كل واحد قصه وحدوته ولكن فى مثل هذه السن صعب!!!!!!!!!!!صعب

أرى هنا مؤهلات عليا ومتوسطه ارى حرفيين ومهنيين خبرات من المفترض ان تخدم مصر لترفعها من كبوتها التى اسقطها فيها الحزب الفاسد الذى يحكمها 

عدت وأنا حزين أكثر من الاول وعلى تليفونى اسمع اغنيه نانسى لو سألتك انت مصرى؟؟؟؟؟؟؟؟؟؟؟؟؟؟؟ 

ضحكت ضحكه حزينه ودخلت الى سكنى فتحت قناه دريم الفضائيه وجدت برنامج  الساعه العاشره يناقش مسأله خطيره 6مليون مصرى يتقدمون للهجره الى امريكا!!!!!!!!!!!!!كارثه6مليون

والكارثه الاكبر الاتصالات والرسائل التى وصلت البرنامج اثناء الحوار 

وقد اتفق اغلب الحضور  والمتصلين على ان الفساد والظلم قبل الظروف الاقتصاديه هما السبب وانا معهم فى هذا

ففى اغلب حواراتى مع المصريين هنا شباب وشياب أجد الحنين وحب الوطن يسيطر عليهم ولكن الجميع هنا يجمع على ان الظروف السياسيه والفساد والظلم يؤدى الى سوء الحاله الاقتصاديه مما يضطرهم للهجره والسفر وقد اصبح اقصى حلم لبعض الشباب هنا ان يتزوج من فتاه عربيه حتى يأخذ الجنسيه ويعود الى بلده فيعامل كعربى ليس كمصرى فما بالك من يسافر الى امريكا او اوروبا؟؟؟؟؟؟؟؟

وفى احدى الاتصالات فوجئت بسيده تجاوزت السبعين عاما تتمنى ان تجد فرصه للهجره خارج مصر وقد ابكتنى هذه السيده 

وفى نهايه البرنامج تسائلت منى الحسينى ما هو الحل لنخرج من هذه الكارثه وتمنيت ان اكون معهم لاقول

التغيير والحريه والعدل وتمنيت ان يقولها احد الضيوف وقد دار اغلب الضيوف حول  هذا المعنى

الا احد الضيوف الذى قالها صريحه وبجرئه احسده عليهاوعلى الهواء 

قال ان الحل فى التغيير والحريه فى الاختيار وان تكون رئاسه الجمهوريه فترتين فقط لان بقاء الرئيس فى الحكم مدى الحياه يخلق حوله عصابات الفساد التى تخرب البلاد وتدفع اهلها المخلصين الى السفر او الهجره

فتعجبت من جرئته ولكن زال العجب سريعا عندما تذكرت انه يحمل الجنسيه الفرنسيه الى جانب المصريه وكنت اتمنى ان اسأله  سؤال نانسى (لو سألتك انت مصرى)؟؟

وتسائلت متى يتحدث المصرى بحريه دون خوف؟؟؟؟؟؟

متى يتحرك للتغيير دون خوف؟؟؟؟؟؟؟؟؟؟؟؟

فمتى يحدث التغيير متى تطل الحريه على ارض مصر؟؟؟؟؟؟؟؟؟؟؟

اخيرا اعجبنى اقتراح فى احد الرسائل بأن تهاجر العصابه الحاكمه هى ورئيسها دون رجعه ويتركوا مصر للمصريين الحقيقيين يعمروها ويبنوها من جديد لتعود ام الدنيا كما كانت

لم اعد قادرا على الكتابه لو اعد حتى قادرا على الكلام

اذهب الى عملى مثل الاخرس قليل الكلام بعد الدوام

اعود الى مدونتى والى مدونات مكتوب اتابع اغلب ما يكتب بدون ان اعلق كما تعودت من قبل

اهتم بمدونات الاشقاء العرب واتابع كتاباتهم واتعجب من الرقه فى الكتابات والابداع فى الادراجات والتحيات المتبادله عبر التعليقات

واتعجب من الواقع المرير الذى اراه وانا اعيش وسط اخوه عرب من مختلف الجنسيات

اتعجب ان تختصر الوطنيه عند اخ من دوله شقيقه فى مباراه كره قدم اتعجب ان تصل العلاقه بين الاشقاء الى اغنيه حقيره انتشرت على الجوال تسب فى مصر والمصريين

مباره كره قدم يفهمها اى رياضى على انها مباراه يجب ان يفوز فريق ويخسر الاخر

ولكن التعصب الاعمى يخرج ما فى القلوب من حقد وغل تصل الى اذاعه الاغنيه فى المحال العامه وفى لوحات الدعايه الاعلانيه

فى مجالى عملى يستنكر المثقفون من الاشقاء العرب هذه الاغنيه ويعارضونها امامى وفى الوقت نفسه يتبادلونها على الجوال 

لماذا وصل كره العرب لمصر والمصريين لهذه الدرجه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عندما يبحث منصف فى تاريخ اى دوله عربيه يجد لمصر يد فى نهضته فمصر على مر التاريخ ولاده ويخرج منها كل المستويات 

فهنا تجد استاذ الجامعه و المدرس والطبيب والصيدلى والموظف الادارى والعامل المحترف فى شركات البترول والعامل الحرفى من سباك وكهربائى ونقاش والعامل العادى الذى لايملك الا قوته والطباخ والحلوانى الخ الخ الخ

علاوه على النماذج السيئه الموجوده فى كل زمان ومكان التى تسىء للمصريين وتسىء للعرب فى كل مكان

وعلى هذا الحال فى اغلب الدول العربيه

فى القطر الشقيق الذى اعيش فيه اراد النظام فى هذه الدوله تقنين وضع العماله المصريه فيها

فبدات بالمستويات العاليه من اساتذه الجامعات والمدرسين والاطباء حتى وصلت الى العماله العاديه

وهذا جيد ان تتاح فرص عمل لأبناء البلد وفى نفس الوقت يحفظ لكل مصرى او عربى هنا حقه

وكانت المفاجئه ان ذادت جميع الاسعار من سلع الى خدمات وساد فى البلاد حاله من الكساد شعر بها الجميع 

حتى ترحم بعضهم امامى على ايام الحصار وقت ان كانت الحدود مع مصر مفتوحه

حدثت ازمه فى العماله حتى بدأ اصحاب بعض المصانع والمحال يعملون بأيديهم لقله العماله

فى الفتره الاخيره للاسف كثرت مباريات كره القدم بين فرق عربيه ومصريه 

وكأن العرب ينقصهم كره القدم حتى تفرقهم اكثر من ما هم فرقاء

فتجد الاغنيه الحقيره التى تسب مصر والمصريين تنتشر قبل كل مباراه حتى وضعها بعضهم رنه لجواله

واتسائل هل وصل الكره والحقد على الشعب المصرى الذى لم يتأخر عن خدمه اى دوله عربيه فى اى ازمه رغم ازماته التى يعيشها بسبب النظام الفاسد الذى يحكمها

ام انها مؤامره صنعها اعداء العروبه والاسلام باصوات عربيه كى تذيد الفرقه بين الاشقاء

وكيف نواجه هذه الظاهر التى انتشرت بين العرب حتى انى سمعت من بعض اصدقائى انها انتشرت فى اوروبا بين العرب هناك وارسلها لى احد اصدقائى من ميلانو لكى يؤكد لى انتشارها هناك

هل هى مؤامره لذياده الفجوه بيننا كعرب ام اننا نصنع الفجوه بأنفسنا؟؟؟؟؟؟؟؟؟؟؟؟؟؟؟؟؟؟

فى الختام ولاول مره اشكر الحكومه المصريه على قرار تنظيم العماله المصريه وعدم السماح لهم بالسفر بدون اوراق رسميه وارجوها الا تعود فى هذا القرار حتى تعود لنا كرامتنا التى اهينت

ان كان يهمها كرامتنا

والا تكرر غلطه توزيع العماله على الدول العربيه بدون اوراق ونظام يحفظ لهم كرامتهم 

وحتى يشعر العرب بأهميه مصر والمصريين

ليس غرورا ولكن الله وهبنا المهاره فى كل شىء مهاره علميه ومهنيه وحرفيه

لكى يشعرنا بأهميه الوحده بين العالم العربى والاسلامى

ورمضان القادم تكون مقدساتنا محرره

وشعوبنا العربيه حره

وكراسى حكامنا مطهره

تجاهل تام من جميع القنوات لمده اربع وعشرون ساعه تعبت من البحث ولكن تانى يوم الصبح قلت اشوف الاخبار فى الصحافه لعلى اجد ضالتى وكانت المفاجئه

بالبنط العريض (اختفاء السيد الرئيس)

ايه اختفاء السيد الرئيس!!!!!!!!!!!!!!!!!!!!. 

تفاصيل الخبر

فى ظروف غامضه بعد توجهه لالقاء كلمه فى مبنى التلفزيون اختفى سيادته فى ظروف غامضه

معقوله طيب والحراسه والدنيا اللى بتبقى مقلوبه فى اى مكان يتواجد سيادته فيه ازاى يختفى ومين ورا اختفائه ؟؟؟؟؟؟؟؟؟؟؟

بس يا جماعه ده كان بدا خطابه بالفعل ازاى يتخطف من مبنى الاذاعه والتليفزيون  ده اكتر مبنى متامن بعد قصور الرئاسه لان من يملكه يملك البلد فما بالك والرئيس كمان مشرف ده اكيد كان على أعلى مستوى من ألامان

بصراحه انا فى الاول فرحت اهه على الاقل هنرتاح منه لكن يا ترى مين اللى خطفه ؟

كده يبقى عندنا سؤالين

السؤال الاول ياترى كان هيقول ايه ؟

والسؤال التانى ياترى مين اللى خطفه؟؟

فضلت تايه كام يوم بين الفضائيات والقنوات المصريه وانا مشغول ومش انا بس ده كل مصرى اعرفه هنا وبعدين قررت العوده لمصر لانى سمعت ان فيه اضرابات ومظاهرات وانا فى الطريق من المطار اشتريت الجرايد اللى وحشتنى ومن مده كبيره ما ضيعتش فلوسى فيها

المهم اشتريتها واتفاجئت مفاجأه جننتنى الحزب الوطنى مغرق الدنيا دعايه لجمال مبارك ابن الرئيس المخطوف اللى كل الشعب المصرى بعدما شاف منه الويل بين يوم وليله تعاطف معاه وانشغل لدرجه انه مش حاسس باللى بيحصل فى البلد

وعلى استحياء يعلن مجلس الشعب ورئيسه اللى حل محل المخطوف انهم يرشحوا جمال مبارك رئيسا لجمهوريه مصر العربيه وده تعاطفا مع الاب المسكين المخطوف

معقوله يا جماعه مصر تتورث تعاطفا مع واحد خنقها اكتر من خمسه وعشرين سنه 

اللى جننى اكتر ان اغلب الكتابات والمقالات مركزه على العطف والمن على جمال ولازم نسلمه مكان المخطوف والكل ناسى المخطوف نفسه

عرفت ان الطريق من المطار للمنصوره مغلق بسبب  المظاهرات وطبعا قوات الامن المركزى ومكافحه الشغب شغاله الله ينور (لسه فاكرها وعلاماتها لسه واضحه فى كل حته من جسمى)المهم

فكرت اركب عن طريق بلبيس الصحراوى وفعلا لقيته ماشى وطبعا البنديره اضعاف مضاعفه علشان اللبش اللى فى البلد الاستغلال ورانا ورانا

المهم

  أمام احدى قرى بلبيس لقيت قوات مكافحه الشغب شغاله ما شاء الله بمنتهى النشاط السواق خاف على عمره وحب يرجع للقاهره فكرت انزل واحاول اعدى من وسط المعركه واركب اى مواصله من الجهه الاخرى حاولت اتفادى ضرب النار اللى شغال فى كل مكان واخدت طرق جانبيه لحد ما حسيت ان الجو هدى شويه وانا كمان تهت

قابلت احد الفلاحين وسألته على الطريق دلنى عليه وحزرنى من طريقان احدهما يؤدى الى مكان الاشتباكات والاخر يؤدى لمنطقه مجهوله ولكن عليها حراسه مشدده واللى بيقرب منها بيتقبض عليه!!!غريبه هنا فى المنطقه دى حراسه مشدده طب على ايه؟

دى منطقه زراعيه وكلها اراضى استصلاح؟ 

حب الاستطلاع والفضول دفعنى الى هذا المكان المحصن مش عارف ليه يمكن القدر هو اللى رمانى هناك

لقيت مزرعه كبيره محاطه باسلاك شائكه وعليها فعلا حراسه مشدده قربت شويه لقيت جوه حركه غريبه ناس رايحه وناس جايه منهم لوائات شرطه ومنهم مشايخ بدقون!!!

 لكن دول اكتر من السمن على البتنجان الاسود معقوله ماشيين مع بعض ؟

يا ترى ايه لم الشامى على المغربى دول بينهم ما صنع الحداد؟

فضولى وغبائى خلانى افكر انى ادخل جوه بس ازاى دى محصنه ولا الطابيه فضلت مراقب المكان من بعيد وبحاول افهم من حركاتهم ايه اللى بيحصل

لاحظت انهم بيجتمعوا فى كل صلاه رجال الداخليه ورجال الجماعه الدينيه فى مسجد على طرف المزرعه للصلاه

سامحنى يا رب مضطر انى استغل بيتك فى التسلل للمكان الغريب ده الفضول هيقتلنى

قبل الفجر بساعه الحراسه خفت شويه قربت واحده واحده ومن بين الشجر تسللت للداخل وانا مش مصدق نفسى انى بقيت جوه وفى نفس الوقت مرعوب

يعنى يا ربى ارجع من اخر الدنيا علشان اترمى الرميه دى

المهم دخلت الجامع بسم الله ماشاء الله مجهز على اعلى مستوى غريبه مزرعه فى الصحرا ويبقى فيها مسجد مجهز بالشكل ده؟

 سمعت حركه على باب الجامع جريت بسرعه على الحمامات ليتها سوبر لوكس معقوله فى الصحرا دى !!!!!!!!!!يمكن

وفضلت محبوس جوه الحمام لحد ادان الفجر طبعا بقالى كام يوم متبهدل ودقنى طولت شويه واثناء الصلاه خرجت وتهت فى وسط المصلين ودول ما شاء الله كتير

بعد الصلاه خرجت طبيعى فى وسطهم ولقيت نفسى فى وسط المزرعه مزرعه كبيره لكن خايف امشى كده ولا كده الناس دى شكلها مش سهله ربنا يستر فى وسط الزراعات لقيت فيلا صغيره وعليها حراسه مشدده قربت منها بحزر والساعه 8صباحا شفت اللى عمرى ما كنت اصدقه لو حد حكاه ليا الرئيس مبارك خارج يجرى ويلعب رياضه معقوله انا اكيد بحلم بس معقول كل ده حلم لالالا انا واعى ولسه مصلى الفجر لقيته بصحه جيده وبيجرى بس بصراحه وشه متغير وخاسس بحكم الزمن اللى ساب عليه علامات وطبعا ما بنشفهاش فى الاعلام امال ايه الاشاعات اللى كانت طالعه دى انه مريض وبيموت ولا كان مقصود بيها ان الناس تتعاطف معاه؟ 

فكرت فى طريقه انى اكلمه نفسى اعرف ايه اللى حصل ونفسى اعرف الخطاب اللى اتمنع كان هيقول ايه ومين له مصلحه يمنع خطاب الريس وكمان يخطفه ويخبيه هنا فى اخر الدنيا ؟؟؟؟؟مين؟؟؟؟؟؟؟؟؟

لاحظت انه بيجرى فى دائره كبيره حولين الفيلا وفيه منطقه خلف الفيلا العيون قليله فيها قربت وناديت عليه

بصراحه ناديت بكل ادب يا سياده الريس (والحمد لله ما طلبتش المنحه)بص باستغراب وشاور لى انى افضل مكانى

 قلت له بصوت ضعيف يا ريس هو ايه اللى بيحصل مش انت مخطوف؟

بدأ يمارس العاب سويدى وهو بيكلمنى بضهره وقالى ايوه بس خليك مكانك علشان الحراسه

سالته ازاى يا ريس تتخطف من قلب مبنى التلفزيون ؟

فين الحراسه وفين الامن؟

ومعقوله لسه مش عارفين يوصلو لمكانك انا وصلت لك بسهوله؟ 

قالى ياابنى اللى خاطفنى مش غريب المهم طمنى ايه اللى بيحصل فى البلد؟

قلت له يا ريس جمال هيستلم البلد والناس كلها متعاطفه معاه بعد اللى حصل لك

بس لو سمحت يا ريس ممكن اسالك سؤال ؟

قال اسال

قلت له يا ريس انا كنت متابع خطابك ونفسى اعرف كنت هتقول ايه ومين اللى منعك ؟ يا ريس انا هتجنن نفسى اعرف؟

قالى ده بجد كان هيبقى خطاب تاريخى ولاول مره اكتب الخطاب بنفسى ومن غير ما اسال حد من المستشارين

كنت هتنازل فيه عن الحكم وهفرج عن المعتقلين السياسين وأدعوا لتكوين لجنه من مختلف الفئات والاتجاهات لاعاده كتابه الدستور وعمل انتخابات حره بجد

 لكن بعدكده اكتشفت ان فيه ناس فى الدوله اقوى منى  والوقتى زى ما انت قلت بيسلموه البلد

معقوله يا ريس هو اللى خاطفك؟

ايوه لكن هسالك سؤال انت وصلت هنا ازاى انت مين اللى بعتك؟

واللهى يا ريس انا جاى بالصدفه بس لفت انتباهى الحراسه والفيلا والجامع فضولى خلانى دخلت هنا

سالنى تانى انت كنت بتأيدنى فى الانتخابات ؟

لا

بتلقائيه ومن غير خوف قلت لا

لا

مش عدم الخوف منه علشان مخطوف

لا

لان ده اللى جوايا

معقوله بصراحه كده طيب جامل الراجل ده مخطوف

 بصراحه ما قدرتش أجامل والمفاجئه انه قالى كنت عارف وعارف ان الاغلبيه ضدى 

قلت له وكنت مستنى ايه وانت عارف ان الاغلبيه ضدك؟

قبل ما يرد عليا سمعت صوت جاى من بعييييييييييييييد بيقول ان ما فاقشى خلال 24 ساعه  ننقله للمستشفى المركزى فى العاصمه ونتصل باهله فى مصر

 بصعوبه سألت مين ده

لقيت اصوات مليانه بالفرحه بتقولى حمدا لله على السلامه ايه يا عم هشام خضتنا عليك

بصعوبه فتحت عنيا وسألت هو فيه ايه هو ايه اللى بيحصل عرفتوا مكانه ولا لسه قبل بلبيس  فى المزرعه الحقوه كان هيتنازل عن الحكم ويرد للناس حقوقها 

لقيت دكتور بيسكتنى وقالى ماتتعبشى نفسك بالكلام حمدا لله على السلامه

يومين يا راجل فى غيبوبه احنا كنا فقدنا الامل  الحمد لله انك بخير

يااااااااااااااه يعنى لما يفكر يرجع للحق ويدينا حقنا تطلع غيبوبه يعنى حتى مش حلم ولا حتى كابوس!!!!!!!!!!!!!!!!!! 

والطلب التانى هو الاستغناء عن المعونه التى تنهب لجيوب لصوص السلطه وهى طبيعى مرتبطه بمعاهداتنا مع العدو نحن لا نطالب بشىء بعد الحريه الا الكرامه فالشعب المصرى بطبعه يتحمل الجوع ولا يتحمل جرح الكرامه  
وحتى يحدث هذا التغير المنشود فلا نترك شبابنا الضائع بين مطرقه النظام الفاسد وسندان العدو الصهيونى ولننظم حمله كبيره لايقاظ الروح الوطنيه واحياء الانتماء الذى قتلوه فى داخل بعضنا ولنعيد كلمه مصر الى قلب كل مصرى كما كانت

رأيت بالصدفه اللقطه الاخيره من فيلم  لحم رخيص فى هذه اللقطه يقف الممثل المبدع / كمال الشناوى وهو فى طريقه من محطه القطار الى القريه التى كان يسيطر عليها وعلى ارزاقها ويتاجر فى شبابها وبناتها ويحتال عليها ويظهر _ فى المشهد_ وهو محاصر من جميع الطرق المؤديه الى هذه القريه وقد خرج اهالى القريه كل فى طريقه للانتقام منه  وللثوره عليه  فسد طريقه الى القريه بعد ما فاق اهلها من غيبوبتهم   ثم اراد ان يعود للمحطه فاذا به قد اغلق هذا الطريق بنفسه بمجموعه من التوابيت المحمله بجثث العمال الذى كان يتاجر بهم وكاأن المحمولون  بتلك التوابيت يثورون عليه فلم يجد ملجا وانتهى الفيلم وهو محاصر  وكانت هذه نهايه الطاغيه رايت فى هذا المشهد حلما اتمنى ان يتحقق وان يثور شعب مصر على طاغيته الذى يسيطر  هو وحاشيته  على ارزاق الشعب البسيط    …… رأيته فى حلمى محاصرا من جميع الفئات والاتجاهات  وقد اوشكت نهايته لكنى افقت من الحلم السعيد على كابوس الواقع الاليم ..!!!    وهو ان اغلب الطرق التى قد  يحاول يلجأ اليها  مسدوده بالتوابيت وليس بالطريق واحد مثلما حدث فى الفيلم …ز فهذا طريق  مغلق بجثث ضحايا العبارات والقطارات    … وهذا طريق مغلق بجثث المرضى العاجزين عن شراء الدواء  نظرا للغلاء السائد … وهذا مغلق بضحايا السجون والمعتقلات التى لا نعلم اماكن معظمها   ….!!!  وهذا طريق  مغلق بجثث الاسرى المصريين الذين قتلوا فى 67 وعندما كشفت جريمه الصهاينه  فرط هو فى دماء الشهداء  اما  عن باقى الطرق فقد سيطر عليها بمباحث امن الدوله وقوات الامن و باقى عصابته المعروفه للجميع حتى بالاعلام الذى  غيب  العقول عن قضاياها فتمنيت ان يفيق الغائبون والمغيبون ايضا ويثوروا فى وجه الطاغيه قبل ان يلحقوا  بركب التوابيت  وان كان  من فى التوابيت فى رحمه لانهم بين يدى خالقهم وهو ارحم بهم اما المغيبون فهم فى  عذابات الفقر والبطاله والغلاء والرشوه والمحسوبيات ونقص الموارد والمرافق ونقص حتى  مياه الشرب فى بلاد النيل ….متى يثور الغائبون والمغيبون فى وجه هذا الطاغيه هو وحاشيته ليخلصوا مصر   وشعبها الذى يستحق  ان يمسك هو بزمام بلاده ويحكمها كما يرى بدون وصايه من احد … فهو شعب  اكبر من ان  يكون تحت وصايه طاغيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماذا ننتظر لقد باع البلد وباع مواردها واغرقها فى ديون لا يكفيها قرن من الزمان لتسديدها؟

هل ننتظر ان يمتلكها من بعده وريثه اى كان جمال او غيره؟ هل ننتظر حتى يئتينا المشترون من تل ابيب لاستلام املاكهم؟؟؟؟؟؟؟؟؟؟؟

يجب ان نثور فى وجه الطاغيه لنخلص البلاد والعباد من شروره

ومهما كلفنا من ثمن لابد ان نضحى حتى بارواحنا فان مصر وشعبها يستحقون التضحيه

فكم من مناضلين فى سبيل الحريه ضحوا باملاكهم وباموالهم وحتى بارواحهم والسجن الحربى يشهد ومعتقل المحاريق يشهد وجميع سجون مصر تشهد على الدماء الغاليه التى سالت فى سبيل حريتنا

وسكوتنا اليوم على هذا الطاغيه هو اهدار لهذه الدماء الغاليه

فواجب علينا ان نثور وان نتحمل وان نضحى فى سبيل الحريه

فى سبيل مصر

فى سبيل شعب مصر

من اجل الاجيال القادمه كى لا تلعنا لانا اضعنا بلدنا

وتحضرنى مقوله المناضل جيفارا(ان لم نجد ما نموت فى سبيله فلن نجد ما نحيا من اجله)وهل هناك ما هو اغلى من مصر وشعب مصر لكى نضحى ونموت فى سبيله؟

ام اننا رضينا بان نكون لحم رخيص؟

الندم والقهر ،نحمل إليك جراحنا وكرامتنا المخدوشة ،

ونجر ّ خلفنا أذيال الألم والانكسار .

بالأمس كنا نفترش ساحاتك الغراء ، ونذوب في أروقتك

واليوم نتسلل إليك خفية عن عيون الظلم ،ندلف إليك من

أضيق الأبواب ،نشهر هويتنا العربية للمغتصب ونرجوه

أن يأذن لنا بالصلاة في محرابك ولو تحت أعقاب البنادق

ولدنا من رحم أمة أتعبتها الحروب ،أضناها التنكيل ،أثخنها  التآمر ، وسقطنا لقمة سائغة في فم المكر والخداع، أصبحنا فريسة سهلة للطمع والتخاذل .

سامحنا يا أقصى ،أقبل أبناءك التائهين  ،خذنا بين ضلوعك ، ولا تلفظنا كما لفظنا الآخرون ، أفتح ذراعيك

لنا فنحن من غدرت به السنين ،وضاقت بوجهه الأرض،

وأنت منذ الأزل ملجأ المظلومين .

خذنا يا أقصى تحت جناحك ، وحدنا على تحريرك من

المغتصب ، أنر دروبنا وعقولنا بنور الله .

اليوم جئناك يا أقصى بذكرى الإسراء والمعراج ،نحيي

فيك ذكرى عطرة ، ذكرى إسراء حبيبنا ونبينا محمد

صلى الله عليه وسلم ، فلا لا تردنا خائبين .

أنت لنا ، ونحن ما زلنا على عهدنا ، لن نتخلى عنك ،

ونفديك بماء العين ،جئناك يا أقصى فأقبلنا في جنباتك

الطاهرة كما كنت تأخذنا طوال السنين ،خذنا لنبتهل

ونصلي ونستغفر العلي القدير ،خذنا لنرفع أيدينا

إلى السماء من على مآذنك السمحة وندعوا الله أن يحميك

وينصر أمة الإسلام، امة حبيبك المصطفى ،جئناك يا أقصى فاستقبل جموع المصلين . 

باعتراف وزير الدوله للتنميه الاداريه الدكتور احمد درويش ان مصر ولله الحمد وصلت للمرتبه 72

 تسائلت فى ايه قالو فى الفساد طيب 72من كام قالوا154دوله الاكثر فسادا

ودى نسبه مرتفعه جدا سئلت تانى طيب ايه سبب الفساد ده وايه سبب النسبه المرتفعه دى مفيش حد رد عليا ولا عبرنى فسئلت روحى يمكن الاقى رد قعدت مع نفسى افكر يا ترى فعلا الفساد موجود فى مصر وانتشر بالشكل ده افتكرت فى التسعينات واحد من الوزراء قال ان الفساد فى المحليات وصل للركب بس متهيألى ان 72دى فوق الركب بشويه قول كتير مش شويه خصوصا ان فيه35موظف وعامل حكومى بيحققوا معاهم الايام دى علشان مليونيرات وخلى بالك دول 35بس اللى اتكشفوا واتكشفوا امتى لما اتنصب عليهم وراحوا يشتكوا غير كده ما كنا سمعنا عنهم حاجه ده طبعا غير الموظفين الخبراء فى الفساد اللى بيعملوا مشاريع باسماء ولادهم او اسماء شركاء وهميين ودى بالذات منتشره جدا فى مصر يعنى فساد متغطى مش داخل فى المستوى72وطبعا لو اتكشف كنا وصلنا للمربع الذهبى فى الفساد.طيب على مستوى الشارع والمواطن يا ترى احنا شعب فاسد؟

سؤال غبى اوى احنا يا ترى شعب فاسد؟

افتكرت لما كنت فى مصر ازاى كنت بشوف الفساد والرشوه فى كل خطوه بخطيها

افتكرت لما كنت الصبح اروح اشترى عيش من الفرن كان فيه ناس بتدخل تاخد عيش من بره الطابور وطبعا ابو جنيه بجنيه ونصف وعلشان تاخد عيش باقل كميه من المسامير لازم تزود ربع جنيه

ولما كنت اتحشر فى الميكروباص افرح لما اشوف عسكرى المرور واقول هينتقم لينا من السواق اللى حشرنا الحشره الطين دى وكنت ازعل قوى لما اشوف السواق بيسلم على العسكرى افتكرهم قرايب ولما لقيته بيسلم على كل العساكر وبأيده الشمال فهمت انه مش سلام ده رشوه فى ايده وعرفت بعد كده من السواقين المعرفه ان التسعيره جنيه فى كل دور.

سيبك يا راجل من طابور العيش والسواقين والعساكر اطلع فوق شويه احيانا كنت بتعامل مع بعض موظفى الحكومه طبعا لازم تفتح مخك علشان مصلحتك تخلص ولما كنت اقعد مع اى موظف كبير بالصدفه الاقى ان ده امر عادى ومعروف ان المرتب ما بيكفيش فالموظف بيتصرف هو يا نهار اسود دا انا عرفت من موظف كبير ان فيه بعض الموظفين ما بيقبضوش رواتبهم علشان يفضلوا فى اماكنهم وطبعا معروف بتروح فين عند الكبار شويه عنهم

طيب سيبك من الموظفين الغلابه اللى رواتبهم ضعيفه نطلع فوق شويه

نطلع فوق بس مش قوى علشان السقف……….ولا اقول لك اطلع ويلا نكسر اى سقف يقابلنا

اطلع

لما مرشح لمجلس الشعب يدفع له كام مليون رشوه علشان بس اسمه يتحط فى قائمه المرشحين غير كام مليون للى هينجحوه غير كام مليون للدعايه ده لما ينجح هيعمل ايه؟

طيب لما مصنع يتباع بتراب الفلوس فى صفقه مشبوهه بيدعمها وزير كبير فى حكومه الفساد يا ترى فيه كام مليون من تحت الطربيزه ادفع؟

نطلع فوق شويه ؟

نطلع

لما يكون الاغنياء والوزراء وابناء الرؤساء فى مصر يملكو اسطول طيران خاص بيهم اكبر من اسطول مصر للطيران يا ترى ده يبقى فساد ولا ايه النظام وده لما يتحسب نفضل برضه فى المستوى 72ولا نطلع على رأس القائمه؟؟؟؟؟

ياريت كل واحد فينا يرصد مظاهر الفساد حواليه ويرد عليا يا ترى احنا شعب فاسد؟؟؟

اول طريق العلاج هو الصراحه لو اعترفنا بالفساد اللى انتشر وسطنا واللى شاركنا فيه كلنا صغير وكبير  اكيد هنقدر نقضى عليه ونحاربه واكيد هنخلص من شله الفاسديين اللى بتحكم مصر يا ريت نبدأ بالصراحه مع النفس قبل اى حاجه الرجوع لربنا والتطهر من اثار الفساد اللى مغرقنا وبعد كده يبقى من حقنا نحاسب اللى فوق على الكراسى الكبيره ونقدر نسأل عن ارصده سويسرا والمانيا منين جت وهتروح لمين ؟

هنقدر نسأل مبارك عن الارقام السريه لصفقات الاسلحه اللى ما بتزاع ولا حتى على مجلس الشعب بحجه انها اسرار عسكريه مع انك تقدر تعرف من على النت جميع صفقات السلاح اللى اى دوله اشترتها من 10سنين بس من غير ما تعرف ايه هى العموله اللى خبطها المتعاقد او الوسيط المفوض من الدوله وده طبعا فى مصر معروف رأس الافعى الرئيس مبارك

لازم نبدا من تحت من كل شارع من كل حاره نحارب الفساد بكل اشكاله والوانه من غير مبرر ومن غير حجج فارغه تعبنا من الفساد ومن الفاسديين وطول ما احنا فاسديين هيحكمنا فاسديين يا ريت نتحرك بسرعه قبل خراب مصر اكتر ما هى خربانه يا ريت يا ريت……   

تدرس إدارة الفحص والتحقيق في جهاز الكسب غير المشروع ملفات الذمة المالية لـ٣٥ مليونيراً، معظمهم موظفون في الحكومة، لا يتجاوز راتب الواحد منهم بضع مئات من الجنيهات شهرياً، ومع ذلك أودعوا ما يقرب من ٤٠ مليون جنيه لدي شركة توظيف أموال، واتهموا أصحاب الشركة بالاستيلاء عليها.

مليونيرات الحكومة، الذين يعملون في قطاعات جماهيرية وخدمية تتراوح وظائفهم بين التدريس في وزارة التربية والتعليم، والعمل كموظفين أو فنيين أو حتي عمال في شركات الكهرباء والغاز ومرفق المياه والسكك الحديدية، تقدموا جميعاً ببلاغات للنيابة العامة، يتهمون فيها خالد وطارق وأحمد دياب، أصحاب شركة توظيف الأموال، بالتوقف عن صرف الأرباح عن ملايينهم أو رد تلك الملايين، بعد الاتفاق علي توظيفها في تجارة المواد الغذائية والأعشاب الطبية، مقابل أرباح شهرية.

تمكنت المباحث بالفعل من القبض علي المتهم الأول خالد دياب أحمد، وأحيل إلي النيابة، التي أمرت بحبسه احتياطياً علي ذمة القضية، لكن أثناء التحقيق معه، أكد أن المبلغين من الخاضعين لتحقيقات جهاز الكسب غير المشروع، لذلك تقرر استدعاؤهم للتحقيق، واعترفوا في التحقيقات بصحة المبالغ التي أودعوها عند أصحاب الشركة، لكنهم أكدوا أن المبالغ الضخمة التي أودعوها في شركة توظيف الأموال حصلوا عليها من مصدر عملهم.

ناصر. م، وهو عامل بشركة كهرباء القاهرة، علي قائمة المودعين الـ٣٥ الأكثر ثراء، فقد شكا من أنه أودع بمفرده ١٠ ملايين جنيه، بينما يعتبر خالد. م، وهو عامل آخر، الأفقر بين المودعين بمبلغ ١٤٠ ألف جنيه فقط، يطالب به شركة توظيف الأموال، وبينهما ثلاثة عمال آخرون هم: محمود. م، عامل بشركة كهرباء القاهرة «١٧٢ ألف جنيه»، ومحمود. ح، عامل بشركة المعصرة للصناعات الهندسية «٢١٠ آلاف جنيه»، وفوزي. ف، عامل بالشركة نفسها «٢٣٠ ألف جنيه».

هناك أيضاً ٥ مدرسين أودعوا مبالغ تتراوح بين ٩ ملايين وربع مليون جنيه لدي شركة توظيف الأموال، واحتلوا بذلك المرتبة الثانية في الإيداع بعد عمال شركة الكهرباء.

ماهر. ع، مدرس بوزارة التربية والتعليم، أودع بمفرده ٩ ملايين و٤٠٠ ألف جنيه لدي الشركة، فيما أودع مدرس آخر مليوناً و١٠٠ ألف.

وكانت المرتبة الثالثة للإيداع من نصيب بعض العاملين في مرفق مياه القاهرة الكبري، حيث أودع موظف بالمرفق، يدعي حسن. م، ٣٦٠ ألف جنيه، وأودع مهندس بالمرفق، يدعي صفوت. ح، مليوني جنيه.

أما باقي المودعين، فبينهم مهندس بالمشروعات الهندسية والمعمارية «٨.٤ مليون جنيه»، وموظفة بجامعة حلوان «نصف مليون جنيه».