بعد الذكرى55 لثوره يوليو وبعد عدم الاستجابه لدعوه كفايه وحزب الكرامه(خليك فى البيت)وهى كانت دعوه بسيطه بعدم الخروج من البيت فى هذا اليوم ورفع العلم المصرى ورفع شارات سوداء.فلم تدعو للتظاهر ولا الخروج ومواجهه جحافل الامن المركزى والقوات الخاصه التى كانت تتربص بنا فى الشوارع الرئيسيه

امر بسيط جدا اعلن به رفضى للوضع الاسود الذى وصلنا له

ولكن لم يستجيب الا قله قليله 

فسألت نفسى لماذا لم يستجيب المصري هلى توفرت له كل مطالبه هل حققت الثوره احلامه هل وصلنا لحاله من الرخاء المغلفه بالرضا بما نحن عليه؟؟؟؟؟؟؟؟؟؟؟؟؟؟

لماذا نحن نيام وقانون الطوارىء يحكمنا ربع قرن بدون اعتراض؟

لماذا والبطاله انتشرت حتى يأس الطلاب من التعليم

وحتى ذهب الشباب لسفاره اسرائيل بنفسهم؟

لماذا والغلاء اصبح فوق طاقه البشر؟

لماذا والقمح مسرطن ومياه الشرب ملوثه واكياس نقل الدم ملوثه وكل شىء ملوث؟

لماذا ومصر تباع قطعه قطعه ولا نعرف لمن تباع ولا بكام ولا الثمن بيروح فين؟

لماذا والشرفاء يحاكمون امام محاكم عسكريه؟

لماذا وبلدنا تورث ونحن نيام؟

لماذا والمعتقلات ممتلئه بدون محاكمه؟

لماذا والتعذيب اصبح منهج فى كل اقسام الشرطه؟

لماذاوالواسطه والمحسوبيه والرشوه والفساد فى كل مكان ؟

لماذا وقيمه الجنيه فى ادنى مستوى؟

لماذا والديون تذداد يوم بعد يوم؟

لماذا وحدودنا ليست امنه؟

لماذا ومصر مستهدفه؟

لماذا  ولماذا والف لماذا ولا اجد اجابه عن اسئلتى

لمصلحه من يتم تخدير الشعب المصرى بالاعلام الفاسد وبلده تباع وتقطع وتسرق وهو نائم؟

لمصلحه من يستمر لصوص الحزب الوطنى فى السلطه وقد اثبتوا فشلهم فى كل شىء؟

الى متى النوم الى متى السكوت؟

مستنى ايه هتقولى بكره تتعدل صدقنى بكره هيجى مش هنلاقى حاجه والاجيال اللى جايه مش هترحمنا ولا التاريخ هيرحمنا

هنقول ايه لما نتسأل كنا فين ومصر بتتسرق؟

كنا فين ومصر بتتنهب؟

كنا فين والمستقبل بيتدمر؟

يا ريت الكل يتحرك فى كل مكان صغير وكبير يا ريت الكل يضحى مش بس علشان المستقبل لا

علشان ده حق مصر علينا

من حقها انحنا نطهرها من اللصوص من العصابه اللى مصت دمها وبتعمل لتوريثها علشان الورثه يكملوا على الباقى ان كان فيه باقى

مش هنقول للناس تانى تقعد فى بيوتها لا

لازم الناس تخرج وتضحى وتتأذى وتتبهدل علشان ترجع حقها المسلوب علشان نلاقى بكره  لازم نشتغل بجد كل واحد فى مكانه كل واحد يحارب الفساد من مكانه مهما كان كبير او صغير

افضح اى عيب تشوفه من اول عسكرى المرور لحد دراكولا اللى مص دمنا هو وولاده

ويكون هدفنا مش قلب نظام الحكم لا

عدل نظام الحكم لانه مقلوب من اكتر من ربع قرن

ويكون شعارنا يسقط الفساد يسقط النظام الفاسد

تحيا مصر يحيا شعب مصر

معركتنا مع النظام الفاسد معركه حياه او موت

ان عاش النظام مات مستقبلنا ومستقبل ولادنا

وبعد سقوط النظام الفاسد تكون امامنا معركه كبرى لاعاده بناء مصر اللى خربها مبارك وعصابته

وساعتها هتلاقى كل ولادها المخلصيين فى خدمتها ونكون ادينا مهمتنا بنجاح ونسلم الاجيال اللى جايه بلد نظيفه من الفساد ومن الظلم

ولا ننسى شعارنا

يسقط الفساد ويسقط النظام الفاسد

تحيا مصر ويحيا شعب مصر